غزل
بہار آئے گی گل کھلیں گے مگر نہ وہ دلکشی رہے گی
تمہیں اگر روبرو نہ ہوگے تو پھر ہمیں کیا خوشی رہے گی

کسے خبر تھی کہ دل لگا کر ہماری یہ زندگی رہے گی
ہمیں سے بر ہم رہیں گے وہ بھی ہمیں سے دنیا کھِنچی رہے گی

تباہ کر دیں گے اہلِ گلشن خود اپنے ہاتھوں نظام گلشن
یہی جو عالم رہا خرد کا یہی جو دیوانگی رہے گی

نہ چھپ سکے گا یہ راز ِالفت عیاں کسی دن ضرور ہوگا
ہماری آنکھوں سے روز یوں ہی جو کہکشاں پھوٹتی رہے گی

ہماری حالت پہ ہنسنے والو یہ ہے تغیر پسند دنیا
تمہیں بھی رونا پڑے گا آخر لبوں پہ کبتک ہنسی رہے گی

کسی طرح سے گزار لیں گے یہ لمحئہ پر فریب ہستی
ہوئے نہ تم جیتے جی ہمارے بس اک شکایت یہی رہے گی

کسے خبر تھی کہ فصلِ گل میں چمن کا کچھ اور رنگ ہوگا
گلوں کے منکے ڈھلے رہیں گے اُداس اُداس ہر کلی رہے گی

ہماری محرومیوں نے اے دلؔ  بدل دیا رسمِ میکدہ بھی
ہمارا دور آتے آتے شاید حرام بادہ کشی رہے گی

ڈاکٹر ایم اے دل حسینی

بہار آئے گی گل کھلیں گے مگر نہ وہ دلکشی رہے گی Dr. Dil Husaini

Added on 6:26 AM

نعت
آمدِ جبریل سے حکمِ خدا روشن ہوا
جلوۂ اقراء سے پھر غارِ حرا روشن ہوا

چشمۂ زم زم کی قدر و منزلت واضح ہوئی
خوابِ ابرھیمؑ کا ہر زاویہ روشن ہوا

قیصر و کسریٰ کی سطوت خاک آلودہ ہوئی
جوشِ ایماں جب تِرے اصحاب کا روشن ہوا

تکیہ گاہِ ابن عبدالمطلب تھی بے چراغ
تیری آمد سے حریم آمنہ روشن ہوا

بجھ گئے یک لخت ثرک و کفر کے جھوٹے چراغ
تجھ سے جب شق القمر کا معجزہ روشن ہوا

جو اذیت پر اذیت دے رہے تھے صبح شام
ان کے حق میں بھی تَرا جود و سخا روشن ہوا

دھیرے دھیرے جہل کی تاریکیاں چھٹنے لگیں
جیسے جیسے تیری حکمت کا دیا روشن ہوا

جاں بلب تھے جتنے پیاسے ہوگئے آخر شہید
ولولہ یر موک میں ایثار کا روشن ہوا

تین سو تیرہ ہزاروں پر ہیں عادل فتح یاب
بدر میں باطل پہ حق کا دبدبا روشن ہوا

محفوظ الرحمٰن عادل
Mahfoozur Rahman Adil

آمدِ جبریل سے حکمِ خدا روشن ہوا

Added on 6:22 AM

جناب رام کمار سنگھ فہیم

نام۔۔۔۔۔۔۔۔۔۔۔۔        رام کمار سنھگہ
تخلّص۔۔۔۔۔۔        فہیم
سن پیدائس۔۔      1909
تلمیذ۔۔۔۔۔۔۔۔۔۔       جناب بسمل الٰہ آبادی

صاف رنگ ،موزوں قد،خوبصورت جسم،جامہ زیب،طر حدار اور خوش اخلاق، اردو زبان وادب کو ہندوستانی تہزیب کا مشترک سرمایہ سمجھنے والے شاعر کے چہرے پر احساس کی تھکن کے آثار نمایا ں ہو چلےہیں لیکن اپنی حوصلہ مندی اور خوشی مزاجی کو برقرار رکھتے ہوئے کہتے ہیں کہ ۔۔۔۔
بھارمیں تو لبِ شوق پر تبّسم تھا
خزاں میں کس لئے آنکھوں کو اشکبار کروں
اردو آپ کی مادری زبان ہے،آپ اس خانوادے کے فرزند ہیں جو ہمیشہ ہندو مسلم اتحاد کا رعلمبردار رہا، آپ کے والد محترم شری مہیش نرائن سنکھ اردو فارسی کے عالم تھے اور مڈل اسکول مئو کے ہیڈ مدرس تھے،
     1922ء میں آپ نے مڈل اسکول مئو سے پاس کیا۔ 1928ء میں مشن ہائی اسکول سے انٹرنس پاس کیا،1930ء میں کرپچین کالج الٰہ آباد سے انڑر میڈیٹ کیا ۔شروع سے آپ کے خاض مضامین اردو فارسی رہےکچھ دنوں تک یونیور سٹی میں بھی زیر تعلیم رہے لیکن اپنے والد محترم کے انتقال کی وجہ سے تعلیمی سلسلہ جاری نہیں رکھ سکے

سکوں آگیں بہت اب اضطراب دل کا عالم ہے
کہ ہر زخمِ جگر آسودہ تکلیفِ مرحم ہے
غزرجاتے ہیں اکثر پاس سے نا آشنا یانہ
یہ لطفِ کم نگاہی بھی مگر اے عشق کیا کم ہے
کسے ہے ہوش حس لالہ گل کے نظارہ کا
چمن میں تو ابھی گزری بہاروں کا ہی ماتم ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لبوں سے آہ نکلے اشک آنکھوں سے رواں کیوں ہو
محبت ضبط کی خوگر ہے رازِ دل عیاں کیوں ہو
الگ ہے آسماں سے اسکا اندازِ ستم گاری
زمینِ کوئے قاتل ہم سوادِ آسماں کیوں ہو
ترے دیدار سے تو جان و دل کی شمع روشن ہے
ترے چہرے سے میرا رنگ بیتابی عیاں کیوں ہو
فہیم خوش بیاں بھی شیفتہ ہے طرز غالب کا
جہانِ شعر میں غالب سا کوئی نکتہ داں کیوں ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اک شعاع آفتابِ تازہ اسکی ذات تھی
کتنی پیاری دوستو اس کے لبوں کی بات تھی
بات کہنے کی ہے وہ فرذند"موتی لال" تھا
ور نہ اپنی ذات سے وہ خود جواہر لعل تھا
وہ جوہر لال وہ گاندھی کا سچا جا نشیں
اسکی صورت اسکی سیرت اسکی فطرت تھی حسیں
شکلِ انسانی میں تھا وہ ملک کا اک دیوتا
زندگی میں دیوتاؤں کی طرح پوجا گیا
جنگ کا دل سے مخالف امن کا پیغامبر
قوم کے ہاتھوں میں تھا بنکر محبت کا سپر
اس نے بھارت کو سمو ڈالا تھا اپنی ذات میں
درد تھا جمہوریت کا اس کی اک اک بات میں

 Unlabelled

Ram Kumar Singh Faheem

Added on 5:40 AM

Subscribe to: Posts (Atom)